نفت سلسلة محلات “بلبن” صحة ما تم تداوله بشأن حدوث حالات تسمم بأحد فروعها في الجيزة، مؤكدة أن إغلاق 12 فرعًا جاء لأسباب إدارية وتنظيمية فقط، وليست صحية.
وفي منشور رسمي على صفحتها بموقع فيسبوك قائلا..
الغلق اللي حصل لفروع “بـ لبن” خلال الأيام اللي فاتت في مصر ماكانش له أي علاقة بحالات تسمم، ولا في أي بلاغ طبي أو تقرير رسمي بيقول كده.
اللي حصل هو غلق إداري لأسباب تنظيمية، وإحنا بنتعامل معاه بكل احترام وشفافية لكن اللي بيحصل حوالينا الأيام دي مش مفهوم، فيه موجة كبيرة من الكلام،وفيه تركيز غير معتاد وفيه تساؤلات حوالينا إحنا كمان مش لاقيين لها إجابة واضحة.
وبعض الصحف والمنصات اختارت العنوان اللي يولّع،
من غير ما تتأكد، ومن غير ما تراعي الكلمة هتروح فين وهتعمل إيه
ونسيوا ان بـ لبن” فيه أكتر من 25,000 شخص بيشتغلوا بشكل مباشر، ده مكان اكل عيشهم ورزقهم وبكل بساطة ممكن تتسبوا في قطع عيشهم وده مش موضوع “مين بيحب البراند ومين لأ”، ولا “مين شايفه يستحق ومين شايفه لا” ده موضوع أرزاق أرزاق ناس كتير
ناس مالهاش اي ذنب في ده.
فـ بالله عليكم اتقوا ربنا في الكلمة، وفي النقل، وفي التفسير، لأن قطع الأرزاق مش لعبة، ولا المفروض يكون تمنه إن حد يركب تريند أو يجمع تفاعل الموجة اللي علينا عالية واللي بيحصل مش بسيط وإحنا بنسأل نفس السؤال اللي كل الناس بتسأله: ليه؟
احنا مش ملايكة، بنغلط وبنصلّح،
بس اللي بيحصل دلوقتي أكبر من مجرد ملاحظة أو مخالفة فيه شيء مش مفهوم إحنا مش فوق المحاسبة، ولا بندوّر على مجاملة لكن اللي نطلبه بكل احترام شوية عدل وشوية رحمة.
