هاني رمزي بعد خروج مصر من كاس العرب: الكرة المصرية ماشية بالبركة.. علق هاني رمزي، لاعب الأهلي ومنتخب مصر السابق، على خروج المنتخب من كأس العرب 2025، مؤكدا أنه لم يكن مفاجأة بالنسبة له، معقبا:”كرة القدم المصرية تعاني من غياب تام للتخطيط”.
هاني رمزي بعد خروج مصر من كاس العرب: الكرة المصرية ماشية بالبركة
واضاف رمزي:“أي منتخب بيشارك في بطولة دولية بيكون ليه أهداف واضحة، إما تجهيز عناصر جديدة أو المنافسة على اللقب لكن ولا هدف من دول تحقق.”
وتابع: “إحنا مبنحترمش تاريخ منتخب مصر كل المنتخبات حوالينا بتتطور وبتشتغل على هويتها، بينما اللي بيحصل عندنا تدمير لشخصية اللاعب المصري، كل موسم شبه اللي قبله، وكأن مفيش حد عايز يعمل حاجة.”
وواصل: “شوف المغرب وفلسطين خصوصًا فلسطين مثال كبير على التطور رغم ظروفهم الصعبة، منتخب فلسطين بيقدم كرة قدم محترمة، بينما إحنا بنضيع الحاضر والتاريخ… وبالتالي المستقبل مبهم أي نجاح بيحصل دلوقتي بيكون بالصدفة مش بالتخطيط.”
الكرة ماشية بالبركة
وأكمل: “آخر مرة قدمنا كرة قدم حقيقية كانت في 2010 من بعدها ماشيين بالبركة، ومقدمناش حاجة تليق باسم مصر المنتخبات الفترة الأخيرة بتقدم أسوأ صورة، وده انعكاس طبيعي لغياب أي خطط تطوير حقيقية.”
